Wednesday, March 6, 2013

ನಿವೇದನೆ




ಸರಸ ಭರಿತ ನಿನ್ನ ನುಡಿಯು
ಬೇಸರಾಗಿದೆ.
ಹರಿಸು ಸುಧೆಯ ಮೋಹ ತುಂಬಿ
ಆಸರಾಗಿದೆ.

ವಿರಹದುರಿಯ ಧಗೆಯ ಸಹಿಸೆ
ತನುವು ಬೆಂದಿದೆ.
ಹರೆಯ ಹಕ್ಕಿಯೆರಕೆ ಬೀಸಿ
ಹಾರೆ ಕಾದಿದೆ!

ಬೆರಳ ತುದಿಯ ಸ್ಪರ್ಶದಲ್ಲಿ
ಹರ್ಷ ಕಾಣುವೆ.
ಅರಳು ಹುರಿವ ಮಾತ ನಡುವೆ
ಮೌನಿಯಾಗುವೆ

ಮೃದುಲ ನೀಳ ಕೈಯಲೆನ್ನ
ನಡುವ ಬಳಸುತೆ,
ತುಟಿಗೆ ಮುತ್ತ ತುತ್ತನಿಡುತ
ತೃಷೆಯ ತೀರಿಸು.

ಹೆರಳ ನಡುವೆ ಬೆರಳ ಸರಿಸೆ
ಸೊಗದ ಸಗ್ಗವೇ.
ಇರವ ನಲಿಸಿ ಮನವ ರಮಿಸೆ
ಮಧುರ ಪ್ರೇಮವೇ!

"ಈ ಕವನವನ್ನು "ಬೇಹಾಗ್" ರಾಗಕ್ಕೆ ಕೂಡಿಸಿ ನನ್ನ ಸುಮನಸ್ಕ ಗೆಳತಿ ಸಂಗೀತಾ ಇದನ್ನು ಹಾಡಿದ್ದಾಳೆ. ಅದರ ತುಣುಕು ಇಲ್ಲಿದೆ."



4 comments:

  1. ಹರೆಯದ ಹಕ್ಕಿಗೆ all the best!

    ReplyDelete
  2. ಒಳ್ಳೆ ರಾಗ ಹಾಕಿ ಹಾಡಿದರೆ ಸುಮಧುರ ಭಾವಗೀತೆಯ ಲಕ್ಷಣ ಇದೆ

    ReplyDelete
  3. ದೀಪಸ್ಮಿತಾ ಅವರೇ - ನಿಮ್ಮ ಗಮನಿಕೆ ಚೆನ್ನಾಗಿದೆ. ಹೌದು, ಮೆದುವಾಗಿ ಸುಗಮ ಸಂಗೀತ ಶೈಲಿಯಲ್ಲಿಯೂ ಇದನ್ನು ಹಾಡಬಹುದು.
    ನನ್ನ ಗೆಳತಿಯೊಬ್ಬಳು ಇದನ್ನು, ಕರ್ನಾಟಕ ಸಂಗೀತದ ಶೈಲಿಯ 'ಜಾವಳಿ' ರೀತಿದಲ್ಲಿ ಹಾಡಿರೋದನ್ನ ಈಗಷ್ಟೇ 'ಅಪ್-ಡೇಟ್' ಮಾಡಿದ್ದೀನಿ. ಕೇಳಿ..

    ReplyDelete