ಜಾವಳಿ

ಕರ್ನಾಟಕ ಶಾಸ್ತ್ರೀಯ ಸಂಗೀತ ಶೈಲಿಯ ಒಂದು ರೀತಿಯ ಹಾಡಿನ ಪ್ರಕಾರವಾದ ಜಾವಳಿಗಳ ಮೇಲಿನ ಒಲುಮೆಯಿಂದ ಅದೇ ರೀತಿ ಒಂದು ಜಾವಳಿ ಬರೆದಿದ್ದೇನೆ.. ಈ ಹಿಂದೆ ಬರೆದಿದ್ದ "ನಿವೇದನೆ" ಕೂಡ ಜಾವಳಿಯೇ ! ಅದನ್ನು "ಬೇಹಾಗ್" ರಾಗಕ್ಕೆ ಮತ್ತು "ಮಧುವನ್ತೀ" ರಾಗಕ್ಕೆ ಇಬ್ಬರು 'ದೋಸ್ತಾರು ' ಒಗ್ಗಿಸಿಕೊಟ್ಟಿದ್ದಾರೆ ಕೂಡ.. ಅವರಿಗೆ ಮನತುಂಬು ಧನ್ಯವಾದಗಾಳನ್ನು ಹೇಳುತ್ತಾ ಈ ಹೊಸ ಜಾವಳಿ ನಿಮ್ಮ ಮುಂದೆ!

ಏನೆಂದು ಬಣ್ಣಿಸಲಿ, ಅಂದವ

ಅವಳಂತರಂಗದ ಚೆಂದವ, ದೇವಾ!

ಮೋಹದಂಬುಧಿಯಲಿ

ಮಿಂದು ಬಂದಿಹ ಕಾಂತೆಯ..(ಏನೆಂದು)

ನಿಂದೆಗೆ ಪದವಿರದ

ಸಂದೇಹಕೆಡೆಯಿರದ..ಒಲವ (ಏನೆಂದು)

ಮನದ ಸಂದುಗಳೊಳಗೆ

ನಲ್ಲೆಯ ಸಂಧಿಸಿದೆನೆಲ್ಲೆಂದು..(ಹೇಗೆ ಬಣ್ಣಿಸಲಿ...)