ಕೃತಜ್ಞ(ಘ್ನ)

ಸತ್ತ ಆ ಪಾದಪದ

ತುತ್ತ ತುದಿಯೊಳಗಿರುವ |

ಕಡ್ಡಿಗಳ ಮೆತ್ತನೆಯ

ಗೂಡಿನೊಳಗಿಂದ ||

ಹಸಿವೆಯಿಂ ಬಳಲುತ್ತ

ಬಿಸಿಲಿನಿಂ ಕಂಗೆಡುತ

ಚಿತ್ತದಲಿ ಮತ್ತನೇ-

-ರಿಸುವ ಆ ಖಗದ..

ತತ್ತಿಯೊಳಗಿಂದ ತಾ

ಕತ್ತ ಹೊರ ಹಾಕುತ್ತ

ಅತ್ತಿತ್ತ ತಿರುಗಿ ಕೈ

ತುತ್ತ ನೀಡೆನಲು

ಅತ್ತಿತ್ತ ಅಲೆದಲೆದು

ಹತ್ತು ಕಡೆಗಳ ಸುತ್ತಿ

ತಾ ಹೆತ್ತ ಕರುಳ ಬ-

ಳ್ಳಿಗೆ ತುತ್ತನಿಡುತ

ತನ್ನೆರಕೆಯೋಸರಿಸಿ

ನೆಳಲಾಸಗೈಯುತ್ತ

ನಿಜ ಬದುಕ ತೇವ ತಾ-

-ಯಿಯನು ತಾ ತೊರೆದು

ಬಲಿತ ಆ ಯುವ ಖಚರ

ಹೆತ್ತ ಹೃತ್ ಸೀಳುತಲಿ

ಕಾವಿತ್ತ ಕಾಯವನು

ತ್ಯಜಿಸಿ ತೆರಳುತಿದೆ...!

( ನಲ್ಮೆಯ ಅಜಯ ಕೃಷ್ಣನಿಗೆ ಧನ್ಯವಾದಗಳು)